Hoxhaj me diplomaten gjermane, flasin për dialogun Kosovë-Serbi dhe arritjen e një marrëveshjeje për njohje të ndërsjellë

10:36 | 20 Tetor 2022
K.B

Ish-ministri i jashtëm, Enver Hoxhaj pas një takimi me diplomaten gjermane Susanne Schutz ka shkruar se Kosova duhet të shfrytëzojë hapësirë dhe mundësi për marrëveshje të njohjes së ndërsjellë.

Hoxhaj, përmes një statusi në rrjetin social Facebook, nëpërmjet të cilit ka treguar për takimet e realizuara në Berlin gjatë qëndrimit atje, është takuar sot edhe me të ngarkuarën për Evropën Juglindore në ministrinë e jashtme të Gjermanisë, Susanne Schütz me të cilën folën për Procesin e Berlinit dhe dialogun Kosovë-Serbi.

“Takim me të ngarkuarën për Evropën Juglindore në ministrinë e jashtme të Gjermanisë, Susanne Schütz me të cilën folëm për Procesin e Berlinit dhe dialogun Kosovë-Serbi, ku Kosova duhet të shfrytëzojë hapësirë dhe mundësi për marrëveshje të njohjes së ndërsjellë për shkak të vendosmërisë së madhe amerikane, gjermane dhe evropiane!”, ka shkruar Hoxhaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm